ساعدونى اخاف الا ارتبط مجددا

ساعدونى اخاف الا ارتبط مجددا
ساعدونى اخاف الا ارتبط مجددا
كتب: آخر تحديث:

قسم ساعدونى هو قسم يقدمه يلا جواز من اجل الاستشارة وحل مشاكل الحياة، ارسل المشكلة على صفحتنا الرسمية على الفيس بوك من خلال الرابط التالى

www.facebook.com/YallaGawaz

والرد على مشاكل السائلينفى قسم ساعدونى يكون فى  الحال على الفيس وفى المدونة فى سرية تامة، ويكون الرد من خلال المستشارين والمختصين فى مجال سؤال و مشاكل السائلين.

المشكلة 4

ساعدونى اخاف الا ارتبط مجددا

“انا عندي 28 سنه كنت مخطوبة لواحد لمدة سنة ونص وكان مسافر مشفتوش في حياتي غير مرتين بس وانا اللي سبته وكان قراري لان لسانه سوري يعني غلاط هو حبني لاني كنت كويسة معاه جدا وانا استحملت كتير اوي منه ولسانه اللي علي طول كان بيغلط خفت اتجوز ويبقي اكتر من كده غير انه معملش ولا خطوه ايحابية واهله ناس مكبرة دماغها وحاجات تانية اكتشفتها بعد ماسبته انا ندمانة اني اتخطبت ليه وكله بيحاسبني علي سكوتي من البداية وخايفة اني ما ارتبطش تاني علشان السن وكده مش عارفه اعمل انا كده خلاص مبقاش ينفع ارتبط ولا ايه”

“السلام عليكم و رحمة الله اولا انا بحييكي على قرارك و شجاعتك لأن الراجل الغلاط من المؤكد ان له صفات اخرى متعبة، انتى انسانة محترمة و بتحترمى نفسك وواضح انك شخصية سوية لكن يجب ان تثقى فى نفسك اكتر من ذلك.

الزواج يجب ان يكون بتوافق بين الطرفين و تثقى أن حسن الاختيار و التدقيق شيء لا بد منه حتى تنعمى بحياة سعيدة مستقرة.

لا تنظرى الى السن و ان قطار الزواج فات انت لسة صغيرة و بحسن خلقك و عقلك هييجي لك افضل من اللى فات.

حاولى تستثمرى وقتك خير استثمار و اهتمى بنفسك لنفسك اولا ثم لزوج المستقبل ، الحياة مبتقفش على حد ولا تنتظر حد.

فى التجربة القادمة مش لازم تكرر نفس الخطأ بالاستعجال محتاجة تعطى وقت كافى علشان تتعرفى عليه و تعرفى شخصيته الموضوع بيحتاج مقابلات كتير و جلسات تعارف و نقاش علشان تطمئنى و تفهمى شخصية الانسان اللى هترتبطى بيه.

كمان محتاجة ان تكون الاتفاقات كلها واضحة من الاول علشان تختبرى جديته و جدية اهله و تجنباً للمشاكل فيما بعد .

اخر نصيحة ان الزواج ده زي كل اقدار حياتنا له موعد محدد و شخص محدد مكتوب عند ربنا ، انتى بس محتاجة تشغلى نفسك و تعملى حاجات مفيده ليكى و للمجتمع عمل دراسة رياضة هواية اعمال خيرية اصدقاء و رحلات و الزواج هييجي فى موعده اللى ربنا حدده فقط ثقى فى نفسك و ادعى ربنا فاكثر خطأ انك تضيعى سنوات عمرك الغالية فى انتظار الزوج”

التعليقات

اترك تعليقاً

لن يتم نشر عنوان بريدك الإلكتروني.