دوما افكر فى الجنس الاخر و كيفية تعاملى معهم ماذا افعل

دوما افكر فى الجنس الاخر و كيفية تعاملى معهم ماذا افعل
دوما افكر فى الجنس الاخر و كيفية تعاملى معهم ماذا افعل
كتب: آخر تحديث:

قسم ساعدونى هو قسم يقدمه يلا جواز من اجل الاستشارة وحل مشاكل الحياة، ارسل المشكلة على صفحتنا الرسمية على الفيس بوك من خلال الرابط التالى

www.facebook.com/YallaGawaz

او من خلال هذا الرابط http://bit.ly/1XAedDD

والرد على مشاكل السائلين فى قسم ساعدونى يكون فى الحال على الفيس وفى المدونة فى سرية تامة، ويكون الرد من خلال المستشارين والمختصين فى مجال سؤال و مشاكل السائلين.

المشكلة 7

دوما افكر فى الجنس الاخر و كيفية تعاملى معهم ماذا افعل

“بما ان هنا بتقدموا نصايح انا عندي مشكله في اني عندي رغبه غير عادية و تفكير فى الجنس الاخر وعندي فضول كتير ان اعرف مين هو اللي هكمل حياتي معاه في المستقبل وبفكر في الموضوع دا كتير وبيضيع وقتي وهو اصلا مينفعش افكر دلوقتي خالص فيه لان بدرس وصغيره علي الكلام دا انا عاوزه اتخلص من التفكير دا اعمل ايه اتمني تردو عليه ياريت انا فعلا عاوزه نصيحة”

“الاهتمام بالجنس الاخر فى سن المراهقة شيء طبيعى سواء للبنات او الولاد لكن المشكلة ان يتحول موضوع التفكير فى الجنس الاخر و اللاهتمام بيه للاهتمام الوحيد ، بمعنى يبقى التفكير فى الجنس الآخر مسيطر عليكى طول الوقت و مايبقاش ليكى اى اهتمامات اخرى بحيث الموضوع ده يبدأ يأثر عليكى و يدفعك للخطأ.

علشان تقدرى تتخلصى من التفكير فى الجنس الاخر طول الوقت حددى اهدافك الشخصية و العلمية من خلال الاهتمام بدراستك و تحقيق ذاتك، و علشان ده يتحقق لازم تنظمى وقتك من حيث الدراسة و ممارسة اى هوايات مفضلة ليكى و لو مش موجودة شوفى انتى بتحبي ايه و ابدأى فيه.

العبى رياضة, ادرسى لغة جديدة , ادرسى كومبيوتر, ادرسى تنمية بشرية، روحى جمعيات خيرية و انشطة تطوعية اجتماعية , اخرجى مع صديقاتك, اهتمى بصلاتك و قراءة القرآن بشكل منتظم حيفرق معاكى كتير.

حاولى تشغلى وقتك بمساعدة الاخرين، استفيدى من حياتك و وقتك و كونى خبرتك الحياتية و ابنى شخصيتك.

و قولى لنفسك  اعيش كل فترة من حياتى حسب متطلباتها و دايما لازمى الدعاء ةالاستعانة بربنا و اتخاذ اصدقاء صالحين يساعدوكى على تخطى المرحلة دى و حاولى تقتربى من عائلتك و خاصة والدتك او اختك الكبيرة و ان شاء الله طريقة تفكيرك هتتغير.”