ابنى يضرب فى مدرسته ماذا على ان افعل

ابنى يضرب فى مدرسته ماذا على ان افعل
ابنى يضرب فى مدرسته ماذا على ان افعل
كتب: آخر تحديث:

قسم ساعدونى هو قسم يقدمه يلا جواز من اجل الاستشارة وحل مشاكل الحياة، ارسل المشكلة على صفحتنا الرسمية على الفيس بوك من خلال الرابط التالى

www.facebook.com/YallaGawaz

والرد على مشاكل السائلين يكون فى  الحال على الفيس وفى المدونة فى سرية تامة، ويكون الرد من خلال المستشارين والمختصين فى مجال سؤال و مشاكل السائلين.

المشكلة 3

مشكلة ابنى يضرب فى مدرسته ماذا على ان افعل” ابني بيتضرب في المدرسة ..ايه الرد الامثل ؟ يا ترى اخليه يضربو ؟ ولا اخليه يروح يقول للمدرسة و لا يسيبه و يمشي ؟ “

“قبل الرد على السؤال لازم نعرف حاجة عن نفسية الطفل المعتدي  (the bully) و ايه اللي بيدفعه يختار ابنك او بنتك بالذات دونا عن باقي الاطفال عشان يكون ضحيته (the bullies) .

الحقيقة ان الطفل المعتدي غالبا ما بيعمل كده عشان يفرغ شحنة عنف جواه غالبا اكتسبها بسبب ان هو نفسه اتعرض لعنف جسدي من آباؤه او اخواته او جيرانه ،، او عنف معنوي زي الاهانات او الاهمال الاسري . الطفل ده بيحتاج يفرغ الشحنة دي بأسهل الطرق الممكنة فدائما و ابدا بيختار الطفل المسالم اللي عارف ان هو مش هيعرف يرد عليه او يواجهه و يا سلام كمان لو هو حاسس ان الطفل ده اشطر منه او اكتر تلقيا للاهتمام و الاشاده منه سواء من المدرسة او الاباء ده هيكون هو ضحيته المثالية “Ideal victim”

طبعا فى المشكلة دى  مش الحل ان احنا نخلي ولادنا اقل شطارة او منهتمش بيهم  الحل ان المعتدي ده يكون عارف ان ابنك او بنتك مش صيد سهل و ان تعديه عليه لازم يتبعه عواقب ..ساعتها ده هيردعه عن انه يفكر في كده  هو عايز يطلع شحنه جواه مش عايز يزودها.

السؤال هنا هيكون ( يعني اقول لابني يرد عليه و يضربه ؟ مش دي تبقى همجية ؟)

هو كدة مش همجية ولا حاجة، واصلا موضوع روح قول للميس ده اسوء حاجة ممكن تعمليها لسببين:

اول سبب: انتي كده من وجهة نظره بترفضي مساعدته بعد ما لجأ ليكي و بتحوليه على حد تاني و مع مرور الوقت و تقدم العمر حتى المساعدة دي مش هيطلبها منك و هيروح يدور عليها عند حد تاني اللي بالتأكيد مش هيكون حريص عليه زيك

ثانى حاجة: حتى الشخص اللي وجهتيه ليه لا حول ولا قوة ليه و غالبا مش هيلاقي عنده الحل ،، لان لو كان بالقوة الكافية كان شكل رادع الطفل المعتدي من الاول و الضرب ده محصلش من اساسه..

هييجي دلوقتى بقى سؤال تانى (يعني اقول لابني روح اجري اضربه ؟ انا عايز اشوف دم ؟)

 لا الموضوع لازم يمشي بالطريقة دي و تعلمي لابنك الخطوات دي:

  • تعلمي ابنك يواجهه بكل حزم و يقوله انا مش هسمحلك تضربني او تضايقني انا بحذرك .. بصوت عالي كل اللي حواليه يسمعه  ٥٠٪ من الحالات الاعتداء بيقف عند النقطة دي و كمان مش بيتكرر تاني  المعتدي بيحس ان اللي قدامه مش صيد سهل
  • المعتدي كمل ؟! يمسك ايده و يزقه بعيد و يعيد عليه نفس الجملة  نادرا ما بيكمل المعتدي بعد كده
  • المعتدي كمل ؟! لازم ابنك او بنتك في الحالة دي يرد الضرب.

و هيبقى سؤال اخير (طيب ابني ضعيف جسمانيا و مش هيقدر عليه كده هيضرب و يتإذي جامد  اعمل ايه؟)

لا هو كدة مش هيتإذي جامد ولا حاجة ليه لإن  الضرب ليه تأثيرين على المضروب  تأثير جسدي (physical) و ده مؤقت و محدود و جسم الانسان مخلوق عنده القدرة على احتماله و كمان التعافي منه، والتاني تأثير معنوي (emotional) وده بقى اساس المشكلة و تاثيره بيطول و الطفل بيفضل فاكره حتى ولو بعد ٢٠ سنة وممكن يدمر نفسية الطفل حرفيا و يخلق كائن غير واثق في نفسه او عنيف تجاه نفسه او الاخرين ، و لما طفلك يرد الضرب  هيتأثر جسمانيا لبعض الوقت ممكن  بس هيحس بقيمة نفسه و هيحس بقدرته على الدفاع عن نفسه و التأثير المعنوي هيكون محدود جدا و الطفل هينساه زيك مثلا لما تضرب ابنك بهزار و يضحك و ممكن يعيط و يتألم لضربة اخف و اقل بكتير لو عارف انك بتضربه بجد و خصوصا لو قدام حد.

ده سبب التانى ان الطفل المعتدي هيفكر بدل المرة الف قبل ما يحاول يضايق ابنك تاني لانه عرف انه مش ضحيه سهلة و فعله ده مش هيمر بسلام.

ثالث و اهم حاجة في حاجات نعملها ممكن تساعد ولادنا في المواقف اللي زي دي  زي لعب الرياضة مثلا ومش لازم رياضة قتالية او عنيفة على فكرة الرياضة عموما بجانب انها بتبني جسم طفلك هي كمان بتبني نفسيته و بتخليه يحس بقوته و تزرع الثقة في نفسه و جسمه و تخليه مهيأ لمواجهة مواقف زي.

و اخيرا واجبنا احنا كأباء و امهات اننا نتابع اطفالنا كويس ونحسسهم ان احنا جنبهم وفي ضهرهم و نلاحظ دايما هما  بيصاحبو مين و بيلعبو مع مين و نبقى متأكدين ان صحابهم متوافقين معاهم نفسيا و متكافئين معاهم دراسيا و مجتمعيا، ونحاول على قدر مقدرتنا اننا نبعدهم عن الاطفال اللي نحس ان عندهم ميل للعنف او اللي ظروفهم الاجتماعية ممكن تدفعهم لكده و نقلل احتكاك ولادنا بيهم قدر الامكان و ده لأن المعتدي في الغالب بيختار حد هو عارفه كويس و متوقع رد فعله و بيبعد عن المجهول ليه”.

التعليقات

    اترك تعليقاً

    لن يتم نشر عنوان بريدك الإلكتروني.